काठमाडौं : सङ्खुवासभामा शुक्रबार दिउँसो भएको हेलिकप्टर दुर्घटनामा क्याप्टेनसहित दुई जना घाइते भएका छन् । अरुण तेस्रो जलविद्युत परियोजनाको सामान लिएर गएको सिम्रिक एयरको हेलिकप्टर दुर्घटना हुँदा क्याप्टेन र एक जना स्थानीय भविन गुरुङ गम्भीर घाइते भएका हुन् ।
उनीहरूलाई नेपाली सेनाको टोलीले उद्धार गरेर उपचारका लागि पठाइएको छ । भोटखोला गाउँपालिका–४ सिब्रुङमा दुर्घटना भएको हो । सो दुर्घटनामा दुई जना घाइते भए पनि हेलिकप्टरमा सवार छिरिङ भोटेको भने सकुशल उद्धार गरिएको छ ।
