भदौ १३, काठमाडौं : एएफसी एसिया कप क्रिकेटको पहिलो खेलमा पाकिस्तानसँग पराजित भएको छ । बुधबार भएको उद्घाटन खेलमा नेपाल पाकिस्तानसँग २३८ रनको फराकिलो अन्तरले पराजित भएको छ ।
घरेलु टोली पाकिस्तानले दिएको ३ सय ४३ रनको विशाल लक्ष्य पछ्याएको नेपाल २३ ओभर ४ बलमा १ सय ४ रनमा अल आउट भयो । नेपालका लागि सोमपाल कामीले सर्वाधिक २८ र आरिफ शेखले २६ रन बनाएका थिए । पाकिस्तानका सदाब खानले ४ विकेट लिए ।
मुल्तान क्रिकेट मैदानमा टस जितेर ब्याटिङ गरेकाे पाकिस्तानले निर्धारित ५० ओभरमा ६ विकेट गुमाएर ३ सय ४२ रन बनायाे। पाकिस्तानका लागि कप्तान बाबर आजम र इफ्तिखरले शतक बनाए। बाबरले १ सय ५१ रन र इफ्तिखर अहमदले नटआउट १०९ रन बनाए ।
यस्तै, माेहम्मद रिजवान ४४ रन र फकर जमानले १४ रनको योगदान दिएका थिए। बाबर र इफ्तिखरबीच पाँचौ विकेटका लागि २२४ रनको साझेदारी भएको थियो।
नेपालका सोमपाल कामीले २, करण केसी र सन्दीप लामिछानेले समान १–१ विकेट लिएका थिए।
