काठमाडौँ : नेपाल ‘ए’ ले एक दिवसीय शृङ्खलाको पहिलो खेलमा क्यानडालाई जितका लागि दुई सय १७ रनको चुनौती दिएको छ।
माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको नेपाल ‘ए’ ले निर्धारित ५० ओभरमा आठ विकेट गुमाउँदै दुई सय १६ रनको योगफल बनाएको हो ।
नेपाल ‘ए’ का लागि बसिर अहमदले सर्वाधिक ५० रनको योगदान दिएका थिए। उनले ५५ बलमा तीन चौका र एक छक्काको मद्दतले अविजित ५० रन बनाएका हुन्। त्यसै गरी रासिद खानले ४० रन बनाएका थिए भने मयन यादवले ३५ रन जोडेका थिए। किरण ठगुन्नाले २५, विवेककुमार यादवले २१ र सन्दीप जोराले १४ रन बनाएका थिए।
क्यानडका लागि कप्तान साद बिन जाफले तीन विकेट लिएका थिए भने इश्वरजीत सोहीले २ विकेट झारेका थिए। त्यस्तै, डिलोन हेलिगर, हर्ष ठेकर र शाहिद अहमदजाइले समान १/1 विकेट लिएका थिए।
