असोज १०, काठमाडौं : १९ औं एसियाली खेलकुद अन्तर्गत टी-२० क्रिेकेटमा नेपालले मंगोलियालाई ३१५ रनको फराकिलो लक्ष्य दिएको छ। हाङझाउ क्रिकेट ग्राउन्डमा टस जितेको मंगोलियाले पहिलो ब्याटिङ गरेको नेपालले २० ओभरमा ३ विकेटको क्षतिमा ३१४ रन बनाएको हो।
कुशल मल्लले टी–२० आईमा विश्व कीर्तिमानी शतक र दीपेन्द्र सिंह ऐरीले कीर्तिमानी अर्धशतक प्रहार गर्दा नेपालले कीर्तिमानी स्कोर बनाएको हो। नेपालका लागि कुशल मल्ल ५० बलमा १ सय ३७ रनमा र दीपेन्द्रसिंह ऐरी १० बलमा ५२ रन बनाएका थिए। यो टि–२० इतिहासकै उच्च योगफल हो।
कुशलले ३४ बलमै शतक पूरा गर्दै डेविड मिलर, रोहित शर्मा र सुदेश विक्रमाशेखरको ३५ बलको कीर्तिमान तोडेका हुन्। यस्तै, रोहितले २७ बलमा ६१ रन बनाएका थिए। कुशल र कप्तान रोहित पौडेलले तेस्रो विकेटका लागि १९३ रनको साझेदारी गरेका थिए।
ओपनर कुशल भुर्तेल र आशिफ शेखले भने बाउन्ड्री प्रहार गर्न सकेनन्। कुशल १९ र आशिफ १६ रन बनाउँदै आउट भएका थिए।
