२६ वैशाख, काठमाडौं । साउदी अरेबियन क्लब अल नासरमा आबद्ध रहेका पोर्चुगिज फरवार्ड क्रिस्टियानो रोनाल्डोले साउदी प्रो लिगमा अल खालिजसँग १–१ को बराबरी पश्चात विपक्षी टिमका एक सदस्यलाई दुर्व्यवहार गरेका छन् ।
उनले अल खालिजका प्रशिक्षण टिमका एक सदस्यलाई धकेलिदिएका हुन् । खेलमा खासै राम्रो प्रदर्शन दिन नसकेका रोनाल्डोसँग फोटो खिच्ने इच्छा जाहेर गरेका व्यक्तिलाई उनले धकालिदिएका हुन् ।
केएसयू स्टिेडियममा खेल पश्चात ३८ वर्षीय रोनाल्डोले अर्को टिमको खेलाडीसँग हात मिलाउँदै जर्सी आदनप्रदान गरे । उनी त्यति बेलासम्म सामान्य रहेका थिए ।
तर अल खिलालका कोचिङ स्टाफले फोटो खिच्न अनुरोध गर्दै बोलाएका थिए । रोनाल्डोले अस्वीकार गर्दा पनि कर्मचारीले फोटोका लागि बारम्बार आग्रह गरेपछि उनले ती कर्मचारीलाई धकेलिदिएका हुन् ।
