काठमाडौँ : इन्डियन प्रिमियर लिग (आईपीएल) २०२४ मा लखनउ सुपर जाएन्ट्सले गुजरात टाईटन्सलाई ३३ रनले पराजित गरेको छ जितसंगै लखनऊ ४ खेलमा ३ जित सहित तेस्रो स्थानमा छ भने गुजरात ५ खेलमा २ जित सहित सातौं स्थानमा छ।
लखनउले दिएको १ सय ६४ रनको लक्ष्य पछ्याएको गुजरातले १८.५ ओभरमा सबै विकेट गुमाउँदै मात्र १३० रन बनायो। गुजरातका लागि साई सुदर्शनले ३१ रन, राहुल तिवटियाले ३० रन, शुभमन गिल १९ र विजय शंकर १७ रन बनाएका थिए।
बलिङमा लखनउका लागि यश ठाकुर एक्लैले ५ विकेट लिएका थिए भने क्रुनाल पान्ड्या ३, नवीन उल हक र रवि विश्रोईले एक/एक विकेट लिएका थिए।
त्यसअघि टस जितेर पहिला ब्याटिङ रोजेको लखनउ सुपर जाएन्ट्सले २० ओभरमा ५ विकेट गुमाउँदै १ सय ६३ रन बनाएको थियो। लखनउका लागि मार्कस स्टोइनिसले सर्वाधिक ५८ रन बनाएका थिए। यस्तै, निकोलस पुरन ३२ रन, लोकेश राहुल ३३ रन, आशुष बदोनी २० रन तथा क्विन्टन डी कक ६ रन बनाएका थिए।
बलिङमा लखनऊका लागि उमेश यादव र दर्शन नलकन्डेले समान २/२ विकेट लिएएका थिए।
