काठमाडौँ : कोपा अमेरिका अन्तर्गतको खेलमा अमेरिकाले बोलिभियालाई पराजित गरेको छ । गए राति भएको खेलमा अमेरिकाले बोलिभियालाई २-० ले पराजित गरेको हो ।
खेलको तेस्रो मिनेटमै अग्रता लिँदै अमेरिकाले बोलिभियामाथि दबाब बढाएको थियो । तेस्रो मिनेटमा अमेरिकाका लागि क्रिस्टन पुलिस्कले गोल गर्दै अमेरिकालाई अग्रता दिलाएका थिए ।
त्यस्तै पहिलो हाफकै ४४औँ मिनेटमा अमेरिकाले बोलिभियाविरुद्ध पुन अर्को गोल गर्यो । ४४औँ मिनेटमा अमेरिकाका लागि फोलारिन बालोगनले गोल गर्दै खेललाई २-० को स्थितिमा पुर्याए । त्यसपछि खेलमा कुनै गोल हुन नसक्दा बोलिभिया २-० ले स्तब्ध बन्यो ।
