काठमाडौँ : नाडा अटो शोमा पहिलो दिनमै १०० भन्दा बढी बुकिङ लिएर बिक्री सुरू भएको पन्च इभीको ४ दिनमा ३२८ बुकिङ भएको छ। मंगलवारदेखि शुरू भएको नाडा शोमा पहिलो दिनमै १०० भन्दा बढी बुकिङसहित पन्च ईभीको बिक्री शुरू भएकोमा शनिवार थप बढिरहेको हो।
पन्च इभीको नाडाको बाँकी दुई दिन पनि उपभोक्ताहरूको बाक्लो उपस्थिती रहने विश्वास रहेको सिप्रदीका प्यासेन्जर भेहिकल बिजनेस युनिटका प्रमुख सावन्त जंग सिजापतिले बताउनु भयो।
टाटा पन्च इभी सुरूवाती मूल्य ३३ लाख ९९ हजार रूपैयाँमा सार्वजनिक गरिएको हो। यो शुरूवाती भेरियन्टमा पनि ग्राहकले सनरुफको आनन्द लिन सक्नेछन् । यो मूल्य नाडा शोसम्मलाई मात्र रहेको र पछि बढ्ने कम्पनीले जनाएको छ।
साथै नाडामा गाडी किन्ने ग्राहकहरूलाई सिप्रदीको चार्जिङ स्टेशनमा निःशुल्क चार्जिङको पनि घोषणा गरिएको छ।
