काठमाडौं : दोस्रो टी–२० क्रिकेटमा इंग्ल्यान्डले अस्ट्रेलियालाई ३ विकेटले हराएको छ । गएराति कार्डिफमा भएको खेलमा टस हारेर पहिला ब्याटिङ गरेको अस्ट्रेलियाले इंग्ल्यान्डलाई १ सय ९४ रनको लक्ष्य दिएको थियो ।
इंग्ल्यान्डले ६ बल बाँकी छँदै ७ विकेट गुमाएर भेट्टायो । इंग्ल्यान्डका लियाम लिभिङस्टोनले सर्वाधिक ८७ रन बनाए । त्यसअघि अस्ट्रेलियाले निर्धारित २० ओभरमा ६ विकेट गुमाएर १ सय ९३ रन बनाएको थियो ।
अस्ट्रेलियाका जेक फ्रेसर म्यागर्कले सर्वाधिक ५० रन बनाए । दुई देशबीचको तेस्रो तथा निर्णायक टी–२० भोलि हुनेछ । त्यसपछि ५ खेलको एकदिवसीय श्रृङ्खला हुनेछ ।
