काठमाडौँ : त्रिदेशीय टी–२० क्रिकेट शृङ्खलाको पहिलो खेलमा नेपाल क्यानडासँग १४ रनले पराजित भएको छ।
१ सय २४ रनको लक्ष्य पाएको नेपालले १९ओभरमा सबै विकेट गुमाउँदै १ सय ९ रन मात्र बनाउन सफल भयो। नेपालका लागि कप्तान रोहितकुमार पौडेलले ३७ रन बनाएका थिए भने कुशल मल्लले १२, देव खनालले ११ र सन्दीप लामिछानेले १० रनको योगदान दिएका थिए।
बलिङमा क्यानडाका कलिम सानाले ४ विकेट लिएका थिए।
त्यसअघि, टस हारेर पहिला ब्याटिङ गरेको क्यानडाले २० ओभरमा ८ विकेट गुमाएर १ सय २३ रन बनाएको थियो। क्यानडाका लागि साद बिन जाफरले सर्वाधिक २३ रन बनाएका थिए।
बलिङमा नेपालका सन्दीप लामिछाने र सोमपाल कामीले ३/३ विकेट तथा दीपेन्द्रसिंह ऐरी र रिजन ढकालले १/१ विकेट लिएका थिए। नेपालले आफ्नो दोस्रो खेलमा आज राति ओमानसँग प्रतिस्पर्धा गर्नेछ।
