काठमाडौँ : टि ट्वान्टी सिरिज अन्तर्गत नेपालले अमेरिकालाई १ सय ७१ रनको लक्ष्य दिएको छ। ग्रान्ड प्रेरिमा भएको खेलमा टस जितेर पहिला ब्याटिङ गरेको नेपालले २० ओभरमा ६ विकेट गुमाउँदै १ सय ७० रन बनाएको थियो।
नेपालका लागि कुशल भूर्तेलले अविजित ९२ रन बनाएका थिए। त्यस्तै नेपालका लागि अनिल शाहले २५ रन, गुलशन झाले १९ रन, रोहित पौडेलले १८ रन बनाएका थिए।
बलिङमा अमेरिकाका लागि नोस्थस केन्जीगे र जसदीप सिंह समान २/२ विकेट तथा सौरभ नेत्राभलकरले १ विकेट लिएका थिए।
