काठमाडौँ : नेपाल प्रिमियर लिग (एनपीएल) को आजको पहिलो खेलमा सुदूरपश्चिम रोएल्सले विराटनगर किंग्सलाई १ सय ८३ रनको लक्ष्य दिएको छ। त्रिवि क्रिकेट मैदानमा भएको आजको पहिलो खेलमा टस हारेर पहिले ब्याटिङ गरेको सुदूरपश्चिमले २० ओभरमा ७ विकेट गुमाएर १ सय ८२ रन बनाएका थियो। कप्तान ऐरीले आक्रमक ब्याटिङ गर्दै अर्धशतक बनाएका छन्।
सुदूरपश्चिमका लागि दिपेन्द्र सिंह ऐरीले ५७ रन र ब्राण्डन म्याकमुलेनले ३६ रन बनाएका थिए। ऐरीले २४ बलमा ५७ रन बनाएका थिए। यस्तै, बिनोद भण्डारीले २३ रन, इशान पाण्डेले २१ रन, सैफ जैबले १४ रन तथा स्कटले १० रन बनाएका थिए।
बलिङमा विराटनगरका लागि अनिल खरेलले ३ विकेट तथा क्रिस सोले, इस्मत अलाम र बसिर अहमेदले समान १/१ विकेट लिएका थिए।
