काठमाडौँ : नेपाल प्रिमियर लिग (एनपीएल) को आजको पहिलो खेलमा पोखराले जनकपुरलाई १ सय ३९ रनको लक्ष्य दिएको छ। त्रिवि क्रिकेट मैदानमा भएको आजको पहिलो खेलमा टस हारेर पहिले ब्याटिङ गरेको पोखराले २० ओभरमा ७ विकेट गुमाएर १ सय ३८ रन बनाएका थियो।
पोखराका लागि मार्कस क्रिचले ३५ रन, माइकल लीस्कले २५ रन, एन्ड्रिज गौस २० रन र रेमन रेफरले १७ रन बनाएका थिए।
बलिङमा जनकपुरका लागि ललित राजवंशीले ३ विकेट, जेम्स निशामले २ विकेट तथा किशोर महतो र मोहम्मद मोहसिनले समान १/१ विकेट लिएका थिए।
