काठमाडौँ : इन्डियन प्रिमियर लिग (आईपीएल) २०२५ अन्तर्गत बिहीबार सम्पन्न खेलमा मुम्बई इन्डियन्सले सनराइजर्स हैदराबादलाई ४ विकेटले पराजित गर्दै प्रतियोगितामा आफ्नो तेस्रो जित दर्ता गरेको छ। जितसँगै मुम्बईले ७ खेलबाट ६ अंक बनाएको छ र तालिकाको सातौं स्थानमा उक्लिएको छ। हैदराबाद भने ७ खेलमा ४ अंकसहित नवौं स्थानमा रहेको छ।
हैदराबादले दिएको १६३ रनको लक्ष्य मुम्बईले १८.१ ओभरमा ६ विकेट गुमाउँदै सहज रूपमा पूरा गर्यो। मुम्बईका लागि विल ज्याक्सले सर्वाधिक ३६ रन, रायन रिकल्टनले ३१ रन, रोहित शर्मा र सूर्यकुमार यादवले समान २६ रन तथा हार्दिक पान्ड्या र तिलक वर्माले समान २१ रन बनाएका थियो।
बलिङमा हैदराबादका लागि कप्तान प्याट कमिन्सले उत्कृष्ट बलिङ गर्दै ४ ओभरमा २६ रन खर्चेर ३ विकेट लिए भने इशान मलिङ्गा र राहुल चहरले क्रमशः २ र १ विकेट लिएका थियो।
यसअघि टस हारेर पहिले ब्याटिङ गरेको हैदराबादले निर्धारित २० ओभरमा ५ विकेटको क्षतिमा १६२ रन बनाएको थियो। जसका लागि अभिषेक शर्माले ४० रन, हेनरिच क्लासेनले ३७ रन र ट्राभिस हेडले २८ रनको योगदान दिएका थियो।
बलिङमा मुम्बईका लागि विल ज्याक्सले ३ ओभरमा १४ रन दिँदै २ विकेट लिए भने ट्रेन्ट बोल्ट, हार्दिक पान्ड्या र जसप्रित बुमराहले समान १-१ विकेट लिएका थियो।
