काठमाडौँ : कर्णाली याक्सले सिद्धार्थ बैंक नेपाल प्रिमियर लिग (एनपीएल) को दोस्रो संस्करणमा पहिलो विजयी सुरुवात गरेको छ। लुम्बिनी लायन्सले दिएको १५७ रनको लक्ष्य कर्णालीले १२.२ ओभरमा १ विकेट गुमाउँदै पुरा गर्यो र ९ विकेटले जित हात पारेको छ।
लुम्बिनीका लागि मार्क वाटले सर्वाधिक अविजित ११४ रन बनाएका थियो र वाट एनपीएलभरि दोस्रो शतक हो तथा एनपीएल दोस्रो सिजनको पहिलो शतक हो । साथै, विलियम बोसिस्टोले २९ रन तथा प्रियांक पञ्चालले १० रन बनाएका थिए।
बलिङमा लुम्बिनीका लागि शेर मल्लले मात्र १ विकेट लिएका थिए।
यसअघि, टस हारेर पहिलो ब्याटिङ गरेको लुम्बिनीले २० ओभरमा ८ विकेट गुमाएर १ सय ५६ रन बनाएका थियो। लुम्बिनीका लागि रोहित पौडेलले सर्वाधिक ४९ रन तथा रुबेन ट्रम्पलम्यानले २९ रन बनाएका थियो। साथै, जेजे स्मितले २३ रन र डी'आर्सी सर्टले १९ बनाएका थिए।
बलिङमा कर्णालीका लागि नन्दन यादव सर्वाधिक २ विकेट तथा सोमपाल कामी, गुलसन झा, मार्क वाट, बिपिन शर्मा र युवराज खत्री समान १/१ विकेट लिएका थिए।
