काठमाडौं : इन्डियन प्रिमियर लिगमा साविक विजेता गुजरात टाइटन्सले सनराइजर्स हैदरावादलाई ३४ रनले पराजित गरेको छ । जितसँग गुजरातले एक खेल बाँकी  हुँदै प्लेअफको स्थान पक्का गरेको छ ।  शुभमन गिलले ४८ बलमा १ सय १ रन बनाएर आईपीएल करियरको पहिलो शतक बनाएका छन् ।

१३ खेलबाट १८ अंक जोडेको गुजरात शीर्ष स्थानमा छ र सिधै क्वालिफायर खेल्नेछ ।  गजरातले अब लिगमा एक खेल बेंगलोरसँग खेल्न बाँकी छ । आठौं हार पछीको हैदरावाद भने लिग चरणबाट बाहिरिने दोस्रो टिम बनेको छ । 

घरेलु मैदानमा टस हारेर पहिले ब्याटिङ गरेको गुजरातले ९ विकेट गुमाएर १८८ रन बनाएको थियो । गुजरातका लागि शुभमन गिलले ४८ बलमा १ सय १ रन र साई सुदर्शनले ३६ बलमा ४७ रन जोडेका थियो । अन्य खेलाडीले भने दोहोरो अंकमा रन जोड्न सकेनन्।  हैदरावादका लागि भुवनेश्वर कुमारले ४ ओभरमा ३० रन खर्चेर ५ विकेट लिएका थियो ।

लक्ष्य पछ्याएको हैदरावादले निर्धारित २० ओभरमा ९ विकेट गुमाएर १५४ रन मात्र बनाएको थियो । हैदरावादका लागि हेनरिच क्लासेनले ४४ बलमा सर्वाधिक ५४ रन र भुवनेश्वर कुमारले २७ रन जोडेका थियो । यस्तै गुजरातका लागि मोहम्मद शामीले ४ ओभरमा २१ रन खर्चेर ४ विकेट मोहित शर्माले  २८ रन खर्चेर ४ विकेट लिएका थियो ।