काठमाडौँ : बंगलादेशका ‘मिस्ट्री स्पिनर मोहम्मद रुबेलले नेपाल प्रिमियर लिग (एनपिएएल) को तेस्रो संस्करण खेल्ने भएका छन्। बंगलादेशी खेलकुद सञ्चारमाध्यम टी–स्पोर्ट्सका अनुसार रुबेल एनपिएलमा सहभागी हुनेछन्। तर, उनी कुन टोलीबाट खेल्ने भन्ने टुंगो लागिसकेको छैन।
राष्ट्रिय टोलीमा स्थान नबनाएका रुबेलले टी–२० क्रिकेटमा ११ खेलबाट १४ विकेट लिएका छन्। उनले हालै अस्ट्रेलियामा आयोजित टप एन्ड टी–२० सिरिजमा बंगलादेशको हाइ पर्फर्मेन्स टोलीबाट समेत खेलेका थिए।
