काठमाडौं : जात व्यवस्था उन्मूलन मोर्चा नेपालले दोश्रो राष्ट्रिय भेला चितवनमा भव्य रुपमा उद्घाटन गरेको छ । जात व्यवस्था उन्मूलन मोर्चाको केन्द्रीय सचिवालय सदस्य दिपनाराण दासको संयोजकत्वमा उक्त भेलाको उद्घाटन भएको हो ।
कार्यक्रमलाई सम्बोधन गर्ने क्रममा पार्टीका महासचिव विश्वभक्त दुलाल (आहुति)ले दलित र महिला क्रान्तिका निम्ति अगाडि नआए क्रान्ति नै नहुने दाबी पेस गर्नु भयो । क्रान्ति पुरा गर्न महिला र दलित अग्र पंक्तिमा आई नयाँ व्यवस्थाको जिम्मा लिन आँट गर्नु र्ने उहाँले बताउनु भयो ।
उक्त कार्यक्रममा वैज्ञानिक समाजवादी कम्युनिस्ट पार्टी नेपालका सचिवालय सदस्य एवं मोर्चाका संयोजक राजकुमार हिङमाङ,पार्टीका सचिवालय सदस्य एवं वैज्ञानिक समाजवादी महिला संगठनका संयोजक धनकुमारी सुनार , लेखक सञ्जीव उप्रेतीले शुभकामना मनतव्य राख्नु भएको थियो । त्यस्तै जनवादी गायक जीवन शर्माले सीमली छाँयामा गीत गाएर उपस्थित जनसागरलाई उत्साहित पार्नुभयो ।
कवि भूपिनर सरीता तिवारीले कविता वाचन गर्नु भयो ।हजारौंको संख्यामा उपस्थित जात व्यवस्था विरोधी जनासागरलाई सही विचार छान,नेतृत्व गर्ने आँट गर र आफ्नो व्यवस्था आफैं बनाउ भन्ने मुल नाराका साथ सुरु भएको भेला २०८०जेठ १२ गते सम्म चितवनमा चल्ने छ।
