काठमाडौं :नवनियुक्त तीन मन्त्रीहरूलाई राष्ट्रपति रामचन्द्र पौडेलले शपथ ग्रहण गराउनु भएको छ । बुधबार नियुक्त भएका ३ जना संघीय सरकारका मन्त्रीहरूलाई बिहीबार दिउँसो राष्ट्रपति पौडेलले शपथ ग्रहण गराउनु भएको हो ।
बुधबार राष्ट्रपति पौडेलले प्रधानमन्त्री पुष्पकमल दाहाल प्रचण्डको सिफारिसमा कांग्रेस सांसदहरू धनराज गुरुङलाई कानुन, न्याय तथा संसदीय मामिला, मोहन बस्नेतलाई स्वास्थ्य तथा जनसंख्या र डिगबहादुर लिम्बूलाई युवा तथा खेलकुदमन्त्री नियुक्त गर्नु भएको थियो । प्रधानमन्त्री दाहालले बुधबार नवौँपटक मन्त्रिपरिषद् विस्तार गर्नु भएको हो ।
