भदौ १८,काठमाडौं :काठमाडौं– नेपालका लागि रुसका राजदूत अलेक्सेइ अलेक्सेयेभिच नोभिकोभले सभामुख देवराज घिमिरेसँग भेटवार्ता गर्नु भएको छ ।
रुसी राजदूत नोभिकोभले सोमबार सभामुख घिमिरेको कार्यकक्ष सिंहदरबारमा भेटवार्ता गरेका हुन्। भेटका क्रममा आपसी सद्भाव, दौत्य सम्बन्धनका बारेमा छलफल भएको सभामुख घिमिरेको सचिवालयले जनाएको छ।
सभामुखले नेपाल र रुस सम्बन्धबारे चर्चा गर्नु भएको छ । रुस नेपालको पुरानो मित्र भएको उल्लेख गर्दै सभामुख घिमिरेले सन् १९५६ मा नेपालसँग दौत्य सम्बन्ध स्थापना भए पश्चात नेपाल र रुसको सम्बन्ध सुमधुर रहिआएको बताउनु भएको छ ।
नेपालको विकास प्रक्रियामा रुसको सहयोग महत्वपूर्ण रहेको उल्लेख गर्दै सभामुख घिमिरेले सहयोगका लागि नेपाल तथा नेपाली जनताका तर्फबाट आभार प्रकट गर्नु भएको छ ।
