काठमाडौं : धनगढीमा लागुऔषधसहित १ जना पक्राउ परेका छन् । बिहीवार बिहान प्रहरीले धनगढी उपमहानगरपालिका १ का २२ वर्षीय राज पार्कीलाई अवैध ५ सय ३० मिलिग्राम ब्राउनसुगरसहित पक्राउ गरेका छन् ।
जिल्ला प्रहरी कार्यालय कैलाली र प्रदेश प्रहरी कार्यालय धनगढीबाट खटिएको प्रहरी टोलीले उनिहरुलाई लागुऔषधसहित फेला पारी पक्राउ गरेको प्रहरीले बताउनु भयो । यस सम्बन्धमा प्रहरीले थप आवश्यक अनुसन्धान गरिरहेको बताउनु भयो ।
यता कैलालीमा पनि २ जना लागुऔषधसहित पक्राउ परेका छन् । कैलाली जिल्लाको लम्कीचुहा नगरपालिका– १० पिपरौवाबाट एक ग्राम खैरो रोइनसहित २ जना पक्राउ परेका छन् । विहिबार साँझ लागुऔषधसहित सोही स्थानका दुई जना पक्राउ परेको प्रहरीले जनाएको छ । लागुऔषधसहित लम्कीचुहा नगरपालिका १ का २४ वर्षीय सुवाश चौधरी र ३४ वर्षीय प्रकाश बडायक पक्राउ परेका हुन् ।
