भदौं २८, काठमाडौं : पाल्पाको तानसेनमा बिहीबार बेलुकी रात्रि बस दुर्घटना भएको छ। दुर्घटनामा कम्तीमा २० जना घाइते भएका छन्।
पाल्पाबाट काठमाडौंका लागि छुटेको लु २ ख १४०३ नम्बरको बस तानसेन नगरपालिका–४, बारुदखानमा दुर्घटना भएको हो। दुर्घटनाका घाइतेलाई मिसन अस्पताल तानसेनमा उपचार भइरहेको प्रहरीले जानकारी दिनुभयो।
प्रहरीका अनुसार घाइतेमध्ये २ जनाको अवस्था गम्भीर रहेको छ। बस ब्रेक फेल भएर दुर्घटना भएको प्रारम्भिक अनुसन्धानमा खुलेको प्रहरीले जानकारी दिनु भयो।
दुर्घटना स्थलमा २ वटा मोटरसाइकलका साथै २ घरमा समेत क्षति पुगेको छ। घटनाका सम्बन्धमा थप अनुसन्धान भइरहेको प्रहरीले जानकारी दिनु भयो।
