असोज ४,काठमाडौँ : डडेल्धुरामा एक २० वर्षीया युवतीमाथि सामूहिक बलात्कार गरेको आरोपमा प्रहरीले ३ जनालाई पक्राउ गरेको छ।
पक्राउ पर्नेहरूमा भागेश्वर गाउँपालिका-३ ओड गाउँका २३ वर्षीय कमल ओड, २२ वर्षीय तपेन्द्र ओड र २८ वर्षीय दीपक ओड रहेका छन्। अर्का १८ वर्षीय किशोर भने फरार भएका छन्। उनको खोजी भइरहेको प्रहरीले जानकारी दिनुभयो।
युवतीमाथि फरक–फरक समय र स्थानमा सामूहिक बलात्कार गरेको आरोपमा उनीहरुलाई पक्राउ गरिएको प्रहरीले जानकारी दिनुभयो।डडेल्धुरा प्रहरीकाअनुसार पक्राउ परेकाहरुमाथि गत वैशाख ५ गते नानिगाड खोलामा र गत वैशाख १२ गते साँझ डेकामा रहेको एउटा गोठमा लगेर युवातीलाई जबरजस्ती करणी गरेको उनीहरुमाथि उजुरी परेको छ।
घटनाबारे थप अनुसन्धान गरिरहेको प्रहरीले जानकारी दिनुभयो।
