असोज २३, काठमाडौँ : केही दिनयता सुनको भाउ लगातार बढिरहेको छ। आज मंगलबार सुनको मूल्य बढेको छ।
आज छापावाल सुनको मूल्य तोलामा ३ सय रुपैयाँले बढेर १ लाख ८ हजार ९०० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ। हिजो सोमबार १ लाख ८ हजार ६०० रुपैयाँमा छापावाल सुनको खरिद बिक्री भएको थियो। हिजो पनि छापावाल सुनको भाउ तोलामा १ हजार रुपैयाँले बढेको थियो। सुनको भाउ पाँच दिनमा २ हजार रुपैयाँले बढेको छ।
यस्तै, आज तेजावी सुनको मूल्य १ लाख ८ हजार ४०० रुपैयाँमा कारोबार भइरहेको छ। हिजो १ लाख ८ हजार १०० रुपैयाँमा तेजावी सुनको खरिद बिक्री भएको थियो। हिजो प्रतितोला १ हजार ३ सय ४५ रुपैयाँमा किनबेच भएको चाँदी आज ५ रुपैयाँले घटेर प्रतितोला १ हजार ३ सय ४० रुपैयाँमा खरिद बिक्री भइरहेको छ।
