काठमाडौँ : साताको पाँचौं कारोबार दिन आज बिहिबार सुनचाँदी दुवैको मूल्य बढेको छ। हिजो बुधबार प्रतितोला १ लाख ३३ हजार रुपैयाँमा कारोबार भएको छापावाला सुनको मूल्य आज १ हजार रुपैयाँले बढेर १ लाख ३४ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ, जुन हालसम्म कै उच्च मूल्य हो।
त्यस्तै, तेजावी सुनको मूल्य प्रतितोला १ लाख ३३ हजार ३ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ भने हिजो बिहीबार बुधबार तेजावी सुनको मूल्य प्रतितोला १ लाख ३२ हजार ३ सय ५० रुपैयाँमा कारोबार भइरहेको थियो।
त्यस्तै, चाँदीको मूल्य पनि ४० रुपैयाँले बढेको छ। आज चाँदीको मूल्य प्रतितोला १ हजार ६ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ, जुन मूल्य पनि हालसम्म कै उच्च हो। हिजो बुधबार चाँदीको मूल्य प्रतितोला १ हजार ६ सय १० रुपैयाँमा कारोबार भइरहेको थियो।
नेपाल सुनचाँदी व्यवसायी महासंघका अनुसार प्रति १० ग्राम छापावाल सुनको मूल्य १ लाख १४ हजार ८ सय ८५ रुपैयाँ, प्रति १० ग्राम तेजावी सुनको मूल्य १ लाख १४ हजार ३ सय २५ रुपैयाँ र प्रति १० ग्राम चाँदीको मूल्य १ हजार ४ सय १४.५० रुपैयाँ तोकेको छ।
