काठमाडौँ : साताको पहिलो कारोबार दिन नेप्से परिसूचक दोहोरो अंक बढेर बन्द भएको छ। आज नेप्से परिसूचक २२.७५ अङ्कले उकालो लागेर २०२६.८१ मा पुगेको छ। आज फ्लोट इण्डेक्स १.४२ अंक बढेको छ भने सेन्सेटिभ इण्डेक्स ३९७ अंक तथा सेन्सेटिभ फ्लोट इण्डेक्स १.४० अंक घटेको छ।
आज १३ उपसमूहमध्ये ११ उपसमूहको परिसूचक बढेको छ भने २ उपसमूहको परिसूचक घटेको छ। आज वित्त उपसमूहको परिसूचक सर्वाधिक ५.९५ प्रतिशत बढेको छ भने विकास बैंक उपसमूहको परिसूचक ३ प्रतिशतभन्दा बढी बढेको छ तथा जलविद्युत, जीवन बीमा, उत्पादन तथा प्रशोधन र अन्य उपसमूहको परिसूचक १ प्रतिशतभन्दा बढी बढेको छ साथै, होटल तथा पर्यटन र व्यापार उपसमूहको परिसूचक सामान्य घटेको हो।
आज ५ कम्पनीको शेयर सकारात्मक सर्किट लागेका छ जसमा नेपाल फाइनान्स, पोखरा फाइनान्स, जानकी फाइनान्स, गुराँस लघुवित्त वित्तीय संस्था र मानुषि लघुवित्त वित्तीय संस्था रहेका छन् भने तारागाउँ रिजेन्सी होटलको शेयर नकारात्मक सर्किट लागेका छ।
आज १९० कम्पनीको मूल्य बढेको छ भने ४८ कम्पनीको मूल्य घटेको छ तथा बाँकी ७ कम्पनीको मूल्य स्थिर रहेको छ। आज ३११ कम्पनीको ६४ हजार २ सय २१ पटकको कारोबारमा ४ अर्ब २५ करोड ६६ लाख रुपैयाँ बराबरको १ करोड १२ लाख १० हजार कित्ता शेयर किनबेच भएको छ।
कारोबार रकमका आधारमा आज नेपाल पुनर्बीमा कम्पनीको संस्थापक शेयर शीर्ष स्थानमा ९५ करोड २० लाख रुपैयाँ बराबर खरिदबिक्री भएको छ भने गोर्खाज फाइनान्सको १९ करोडभन्दा बढीको शेयर खरिदबिक्री भएको छ तथा सूर्यज्योति लाइफ इन्स्योरेन्सको ११ करोडभन्दा बढीको शेयर खरिदबिक्री भएको छ।
