काठमाडौं : उपप्रधान तथा अर्थमन्त्री बिष्णुप्रसाद पौडेलले हरेक योजना निर्माणमा नागरिक स्तरबाट सहयोग र निगरानी दुबै आवश्यक पर्ने बताउनुभएको छ ।
शनिबार लुम्बिनी प्रादेशिक अस्पताल शिलान्यास कार्यक्रमलाई सम्बोधनमा गुणस्तरीय निर्माणको लागि नागरिक तहबाट समेत निगरानी आवश्यक पर्नेबताउनु भएको हो ।
उहाँले मुलुकलाई अस्थिरताको चक्रव्यूहबाट जोगाउन एमाले–कांग्रेस मिलेर अघि बढेको बताउनु भयो । उहाँले अर्थतन्त्र दबाबमा रहेको चर्चा गर्दै निजी क्षेत्रमा रहेको निरासा चिर्न सरकारले योजना बनाएर काम अघि बढाएको स्पष्ट पार्नुभयो ।
अस्पतालको भवन मात्रै निर्माण गरेर नहुने भन्दै उनले सेवा प्रवाहलाई प्रभावकारी व्यवस्थापनमा ध्यान दिनुपर्ने बताउनु भयो ।
