काठमाडौँ : चालु आर्थिक वर्षको पहिलो महिना साउनमा निर्जीवन बीमा कम्पनीहरूले ४ अर्ब ३१ करोड १६ लाख रुपैयाँको व्यापार गरेका छन्, जसमा १४ वटा निर्जीवन बीमक र ४ वटा लघु निर्जीवन बीमक समावेश छन्।
सबैभन्दा ठूलो व्यापार क्षेत्र सम्पत्ति बीमा हो जसबाट १ अर्ब ४२ करोड ७९ लाख रुपैयाँ बीमाशुल्क आर्जन भएको छ । यो कुल व्यापारको ३३.१२% हो। दोस्रो ठूलो क्षेत्र मोटर बीमा रहेको छ जसबाट १ अर्ब २२ करोड ३७ लाख रुपैयाँ आर्जन भएको छ, जुन कुल व्यापारको २८.३८% हो। तेस्रो ठूलो क्षेत्र विविध बीमा रहेको छ जसबाट ५५ करोड ६४ लाख रुपैयाँ आर्जन भएको छ जुन व्यापारमा १२.९१% हिस्सा छ।
अन्य क्षेत्रहरूमा इन्जिनियरिङ र ठेक्काबाट ५० करोड २८ लाख रुपैयाँ (११.६६%), सामुद्रिक बीमाबाट २९ करोड ४४ लाख रुपैयाँ (६.८३%), पशुपन्छी र कृषिबाट २० करोड ११ लाख रुपैयाँ (४.६७%), लघु बीमाबाट ५ करोड ३१ लाख रुपैयाँ (१.२३%), र हवाई बीमाबाट ५ करोड १८ लाख रुपैयाँ (१.२०%) बीमाशुल्क आर्जन गरिएको छ।
