काठमाडौँ : नेपाल आयाल निगमले पेट्रोलियम पदार्थको मूल्य घटाएको छ । निगमले आइतबार रातिदेखि लागु हुने गरी पेट्रोल, डिजेल र मट्टितेलको मूल्य घटाएको हो ।
भारतबाट मूल्य घटेर आएसँगै नेपालमा पनि मूल्य घटाएको निगमको भनाइ छ । निगमले पेट्रोलमा प्रतिलिटर ४ रुपैयाँ, डिजेल र मट्टितेलमा समान प्रतिलिटर ५/५ रुपैयाँले मूल्य घटाएको हो ।
मूल्य घटेसँगै अब पेट्रोल प्रतिलिटर १५९ रुपैयाँ, डिजेल र मट्टितेल १४९ रुपैयाँमा खरिद बिक्री हुनेछ । तर, खाना पकाउने एलपी ग्यास र हवाई इन्धनको मूल्य भने यथावत् राखिएको छ ।
