काठमाडौँ : हालको सुनको मूल्यले नयाँ उच्चतम स्तर कायम गरेको छ। सोमबार छापावाल सुनको मूल्य प्रतितोला ५ सय रुपैयाँले वृद्धि भएर १ लाख ५७ हजार ३ सय रुपैयाँमा पुगेको छ। यो मूल्य हालसम्मकै सबैभन्दा उच्च रहेको छ।
यस्तै, तेजावी सुनको मूल्य पनि प्रतितोला ५ सय रुपैयाँले बढेर १ लाख ५६ हजार ६ सय रुपैयाँमा कारोबार भइरहेको छ।
यसैगरी,चाँदीको मूल्य पनि उकासिएको छ। यद्यपि यसको वृद्धि सुनको तुलनामा कम भएको छ। चाँदीको मूल्य आज तोलाको १५ रुपैयाँले वृद्धि भएर १ हजार ९ सय १५ रुपैयाँमा कारोबार भइरहेको छ।
