काठमाडौं : इण्डियन प्रिमियर लिगमा लखनउ सुपर जायन्ट्सले सनराइजर्स हैदराबादलाई ७ विकेटले पराजित गरेको छ। जितसँगै लखनउ सुपर जायन्ट्सले १३ अंक जोड्दै चौथो स्थानमा उक्लेको छ।
राजीव गान्धी अन्तरराष्ट्रिय क्रिकेट रंगशालामा पहिला टस जितेर हैदराबादले ब्याटिङ रोजेको थियो । हैदराबादले २० ओभरमा ६ विकेट गुमाएर १८२ रन बनाएको थियो । जवाफमा लखनउले १९.२ ओभरमा ३ विकेट गुमाएर १८५ रन बनाएर हैदराबादलाई ७ विकेटले पराजित गरेको छ।
हैदराबादका लागि हेनरिक क्लासेनले सर्वाधिक ४७, अब्दुल समादले अविजित ३७ तथा अनमोलप्रीत सिंहले ३६ रन जोडेका छन्। लखनउको जितमा प्रेरक मांकडले अविजित रहँदै सर्वाधिक ६४ , निकोलस पुरणले अविजित ४४ तथा मार्कस स्टोइनिसले ४० रन जोडेका छन्।
