काठमाडौँ : आज घरेलु बजारमा सुनचाँदीको मूल्यमा गिरावट आएको छ। केही दिनदेखि निरन्तर रूपमा बढिरहेको सुनको मूल्य आज बुधबार पनि तोलामा ३ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ सय रुपैयाँले घटेर १ लाख ५६ हजार ४ सय रुपैयाँमा कारोबार भइरहेको छ। जुन हिजो मंगलबार १ लाख ५६ हजार ७ सय रुपैयाँ कारोबार भएको थियो।
साथै, सुनसँगै चाँदीको मूल्यमा पनि गिरावट आएको छ। चाँदीको मूल्य आज १५ रुपैयाँले घटेर प्रतितोला १ हजार ८ सय ९० रुपैयाँ पुगेको छ। जुन हिजो चाँदीको मूल्य प्रतितोला १ हजार ९ सय ५ रुपैयाँमा कारोबार भएको थियो।
यसैगरी, महासंघका अनुसार आज प्रति १० ग्राम छापावाल सुनको मूल्य १ लाख ३४ हजार ९० रुपैयाँ कायम भएको छ भने प्रति १० ग्राम चाँदीको मूल्य १ हजार ६ सय २० रुपैया ५० पैसा कायम भएको छ।
