काठमाडौँ : ग्रीन डेभलपमेन्ट बैंकको शेयर संरचना परिवर्तन भएको छ। जस अनुसार संस्थापक समूहको ५१ प्रतिशत शेयर र सर्वसाधारणको ४९ प्रतिशत शेयर कायम भएको छ।
संस्थापक समूहको ५१ प्रतिशत शेयरमा कुल २६ लाख ४६ हजार ९ सय कित्ता रहेको छ भने सर्वसाधारणको ४९ प्रतिशतमा २५ लाख ४३ हजार १ सय कित्ता रहेका छन्।
बैंकको गत चैत २७ गते सम्पन्न वार्षिक साधारण सभाले शेयर संरचना परिवर्तन गर्ने प्रस्ताव पारित गरेको थियो। शेयर संरचनामा आएको यस परिवर्तनले बैंकको स्वामित्व र शेयर बजारमा भएको सहभागिता पुनः समायोजन भएको छ।
