काठमाडौँ : नेपाल स्टक एक्सचेञ्ज (नेप्से)मा एभरेष्ट बैंकको शेयर मूल्य समायोजन भएको छ। बैंकको १० प्रतिशत बोनस शेयर मूल्य समायोजन भएको हो।
सोमबार एभरेष्ट बैंकको अन्तिम कारोबार ६ सय ९५ रुपैयाँको आधारमा मूल्य समायोजन पछि कम्पनीको शेयर मूल्य ६ सय ३१ रुपैयाँ ८२ पैसा कायम भएको छ।
योसँगै, अब आज मंगलबारदेखि एभरेष्ट बैंकको समायोजित मूल्यलाई आधार मानेर कारोबार खुल्नेछ। हाल बैंकले चुक्ता पुँजी ११ अर्ब ७६ करोड ७९ लाख ३ हजार ८ सय ८० रुपैयाँ रहेको छ।
यस्तै, भद्रौ २१ गते बसेको बैंक सञ्चालक समितिको बैठकले गत आर्थिक वर्ष २०८०/८१ को नाफाबाट १५.५३ प्रतिशत लाभांश घोषणा गरेको छ जसमा १० प्रतिशत बोनस सेयर र ५.५३ प्रतिशत नगद लाभांश (करसहित) समावेश गरिएको थियो।
