काठमाडौँ : नेपाल स्टक एक्सचेञ्ज (नेप्से)मा दुई कम्पनीको शेयर मूल्य समायोजन भएको छ। नेप्सेमा मूल्य समायोजन हुनेमा सानिमा रिलायन्स लाइफ इन्स्योरेन्स र साहस ऊर्जा कम्पनी रहेका छन्।
सानिमा रिलायन्स लाइफ इन्स्योरेन्सको १८.३८ प्रतिशत बोनस तथा साहस ऊर्जाको ८ प्रतिशत बोनसपछिको मूल्य समायोजन भएको हो।
आज आइतबार सानिमा रिलायन्स लाइफ इन्स्योरेन्सको अन्तिम कारोबार ५ सय ५९ रुपैयाँ ५० पैसाको आधारमा मूल्य समायोजन पछि कम्पनीको शेयर मूल्य ४ सय ७२ रुपैयाँ ६३ पैसा कायम भएको छ।
यस्तै, साहस ऊर्जा कम्पनी को अन्तिम कारोबार ५ सय १७ रुपैयाँ ५० पैसाको आधारमा मूल्य समायोजन पछि कम्पनीको शेयर मूल्य ४ सय ७९ रुपैयाँ ७० पैसा कायम भएको छ।
योसँगै, अब आइतबारदेखि यी दुई कम्पनीका समायोजित मूल्यलाई आधार मानेर कारोबार खुल्नेछ।
