काठमाडौँ : स्वास्थ्य तथा जनसंख्या मन्त्रालयले राष्ट्रिय पोषण कार्यक्रम अन्तर्गत कात्तिक २ र ३ गते देशभरका बालबालिकालाई भिटामिन ‘ए’ क्याप्सुल र जुकाको औषधि खुवाउने अभियान सञ्चालन गरिरहेको छ।
यस अभियानमा ६ महिनादेखि ५ वर्षसम्मका बालबालिकालाई भिटामिन ‘ए’ क्याप्सुल खुवाइनेछ भने १ वर्षदेखि ५ वर्षसम्मका बालबालिकालाई जुकाको औषधि दिइनेछ। साथै, १५ महिनासम्म लगाउनु पर्ने कुनै नियमित खोप छुटेको भए त्यो खोप पनि लगाइने व्यवस्था गरिएको छ।
भिटामिन ‘ए’ को डोज:
६ महिनासम्मका बालबालिकालाई नखुवाइने।
६-१२ महिनाका बालबालिकालाई आधा क्याप्सुल।
१२ महिना देखि ५ वर्षसम्मका बालबालिकालाई १ क्याप्सुल।
जुकाको औषधि को डोज:
१२ महिनासम्मका बालबालिकालाई नखुवाइने।
१-२ वर्षसम्मका बालबालिकालाई आधा क्याप्सुल।
२ वर्षदेखि ५ वर्षसम्मका बालबालिकालाई १ क्याप्सुल खुवाइने।
देशभरिका स्वास्थ्यकर्मीहरूले अभियानलाई सफल बनाउन खटिनेछन। जसले बालबालिकाको स्वास्थ्य सुधार र पोषणमा महत्वपूर्ण योगदान पुर्याउने अपेक्षा गरिएको छ।
