काठमाडौं : आज आइतबार कोशी र बागमती प्रदेश लगायत देशका पहाडी क्षेत्रहरूमा आंशिक बदली रहनेछ भने बाँकी क्षेत्रमा आंशिक बदलीदेखि मौसम प्रायः सफा रहनेछ।
मौसम पूर्वानुमान महाशाखाका अनुसार पहाडी क्षेत्रका केही स्थानमा मेघ गर्जन र चट्याङसहित हल्का वर्षा हुने सम्भावना छ।
आज आइतबार राति पनि देशका पहाडी क्षेत्रहरूमा आंशिक बदली रहन सक्नेछ भने अन्य स्थानमा मौसम प्रायः सफा रहनेछ।
कोशी र गण्डकी प्रदेशका पहाडी क्षेत्रमा समेत मेघ गर्जन र चट्याङसहित हल्का वर्षाको सम्भावना रहेको महाशाखाले जनाएको छ।
