काठमाडौं : भूमि व्यवस्था, सहकारी तथा गरिबी निवारण मन्त्री बलराम अधिकारीले कर्जा सूचना केन्द्र र निक्षेप तथा कर्जा सुरक्षण कोषलाई राष्ट्र बैंकको मातहतमा ल्याइने जानकारी दिएका छन्।
राष्ट्रिय सहकारी महासंघले आयोजना गरेको सहकारी नीति संवाद कार्यक्रममा मन्त्री अधिकारीले कर्जा सूचना केन्द्र र निक्षेप तथा कर्जा सुरक्षण कोषका लागि राष्ट्र बैंकलाई आवश्यक निर्देशन दिइसकेको बताए।
उनले सहकारी स्थिरीकरण कोषको व्यवस्थापन पनि अन्तिम चरणमा रहेको उल्लेख गर्दै, ५ करोड रुपैयाँको फण्ड यसमा जम्मा भइसकेको जानकारी दिए।
मन्त्री अधिकारीले सामाजिक सञ्जालमा आएका सबै जानकारीलाई सत्य मान्न नहुने र यथार्थ जानकारीको आधारमा अघि बढ्नुपर्ने सुझाव दिए।
