काठमाडौँ : प्राइम कमर्शियल बैंकले आर्थिक वर्ष २०७९/८० को मुनाफाबाट लाभांश प्रस्ताव गरेको छ।
कात्तिक ११ गते बसेको बैंकको संचालक समितिको ५१४ औं बैठकले शेयरधनीहरूका लागि कर प्रयोजनसहित ५ प्रतिशत नगद लाभांश वितरण गर्ने प्रस्ताव गरेको हो, जसको रकम ९७ करोड रुपैयाँ बराबर हुनेछ।
बैंकले प्रस्तावित लाभांश नेपाल राष्ट्र बैंक र बैंकको आगामी वार्षिक साधारण सभाले स्वीकृत गरेपछि मात्र वितरण हुनेछ। यसका लागि बुक क्लोज मिति पछि सार्वजनिक गरिनेछ।
