काठमाडौँ : साफ महिला च्याम्पियनसिप अन्तर्गत भारतलाई पेनाल्टी शुटआउटमा हराउँदै नेपालले फाइनलमा स्थान बनाएको छ। खेलको निर्धारित समयसम्म १-१ को बराबरी भएपछि पेनाल्टीमा प्रवेश गरेको खेलमा नेपालले साहसिक जित हासिल गर्यो।
दोस्रो हाफमा सावित्रा भण्डारी 'साम्भा' ले आकर्षक गोल गर्दै खेललाई बराबरीमा ल्याएकी थिइन्। सावित्राको यो गोलले खेलमा रोमाञ्चकता थप्दै नेपाललाई खेलमा फिर्ता ल्याउन महत्त्वपूर्ण भूमिका खेल्यो।
त्रिपुरेश्वरस्थित दशरथ रंगशालामा पाँच पटकको विजेता भारतलाई पराजित गर्दै नेपालले पहिलोपटक फाइनलको यात्रा तय गरेको हो।
समूह चरणमा श्रीलंका र भुटानलाई हराउँदै नेपाल समूह विजेता बन्दै सेमिफाइनलमा पुगेको थियो भने भारत एक जित र एक हारका साथ उपविजेता बन्दै सेमिफाइनलमा आइपुगेको थियो।
यसअघि पहिलो सेमिफाइनल खेलमा बंगलादेशले भुटानलाई ७-१ को फराकिलो अन्तरले हराउँदै फाइनलमा स्थान बनाइसकेको छ। अब नेपालले उपाधिका लागि बंगलादेशसँग फाइनल खेल्नेछ।
