काठमाडौँ : आज साताको तेस्रो कारोबार दिन नेप्से ४६.६९ अंक बढेर बन्द भएको छ। आज नेप्से परिसूचक ४६.६९ अंक बढेर २६९२.०५ विन्दुमा पुगेको छ। जसमा सेन्सेटिभ इण्डेक्स ८.३३ अंक, फ्लोट इण्डेक्स ३.३७ अंक तथा सेन्सेटिभ फ्लोट इण्डेक्स २.९० अंक बढेको छ।
आज कारोबार रकम पनि बढेको छ। हिजो सोमबार ५ अर्ब ३४ करोडको शेयर कारोबार भएको बजारमा आज २ सय ४३ कम्पनीको ६८ हजार ६ सय १४ पटकको कारोबारमा ६ अर्ब १२ करोड रुपैयाँ बराबरको १ करोड ३३ लाख ७३ हजार कित्ता शेयर कारोबार भएको छ।
आज पनि १३ उपसमूहमध्ये सबै उपसमूहको परिसूचक बढेको छ। आज कारोबारमा आएका २ सय ४३ कम्पनीमध्ये २ सय २१ कम्पनीको सेयर मूल्य बढेको छ, भने १७ कम्पनीको सेयर मूल्य घट्नुको साथै ५ कम्पनीको सेयर मूल्य स्थिर रहेको छ।
आज उत्पादन तथा प्रशोधन उपसमूहको परिसूचक ०.९७ प्रतिशत बढेको छ, भने म्युचुअल फण्ड उपसमूहको परिसूचक १.३३ प्रतिशतले बढेको छ।
