काठमाडौँ : अनुहारमा चमक ल्याउन योगासानको प्रभावकारी भूमिका हुन्छ, जसले छाला स्वस्थ र उज्यालो देखाउन मद्दत गर्छ। तल उल्लेखित केही योगाभ्यासले अनुहारमा चमक र निखारता ल्याउन मद्दत गर्छ।
१. अनुहारको व्यायाम
गाला, आँखा, जिब्रो र ओठलाई चलाउने, गालामा हावा भर्नेजस्ता साधारण व्यायामले अनुहारको रक्तसञ्चार बढाउँछ। यसले छालामा चमक र जीवन्तता ल्याउँछ।
२. सर्वाङ्गासन
यो आसनले अनुहार र टाउकोमा रगतको प्रवाह बढाउँछ, जसले छालामा चमक ल्याउँछ।
सर्वाङ्गासन गर्ने विधि: म्याटमा सुत्ने, खुट्टा र जिउ क्रमशः उठाउने र पछाडि कम्मर समातेर खुट्टा माथि उठाउने। सुरुवातमा २ मिनेटसम्म गरेमा अनुहारको चमकको लागि प्रभावकारी हुन्छ।
नोट: गर्दन, टाउको दुख्ने समस्यामा यस आसन नगर्नु राम्रो।
३. त्रिकोणासन
अनुहारको चमक बढाउन उपयोगी हुन्छ। यसले अनुहार र टाउकोमा रक्तसञ्चार सुधार्छ।
त्रिकोणासन गर्ने विधि: खुट्टा फैलाएर, दायाँ हातले बायाँ खुट्टा र बायाँ हातले दायाँ खुट्टा समात्ने। सुरुमा ५–५ पटक गर्न सकिन्छ।
नोट: कम्मर दुख्ने समस्या भएकाले र गर्भवती महिलाले यो नगर्नु राम्रो।
४. भुजंगासन
ढाड र काँधमा रहेको कड़ापन घटाउँदै पाचन सुधार गर्न मद्दत गर्छ। यसले अनुहारमा प्राकृतिक चमक ल्याउँछ।
भुजंगासन गर्ने विधि: घोप्टो सुतेर छाती माथि उठाउने। सुरुमा ५ देखि १० पटक गर्दा लाभदायक हुन्छ।
५. शीर्षासन
दिमागमा रगतको प्रवाह बढाएर तनाव हटाउँछ, जसले अनुहारमा चमक ल्याउँछ।
शीर्षासन गर्ने विधि: म्याटमा टाउको टेकेर खुट्टा माथि उठाउने। सुरुमा भित्ताको सहारामा गर्दा सजिलो हुन्छ।
अन्य उपायहरू
- ध्यान: दिमाग शान्त रहँदा मानसिक शान्ति मिल्छ, जसले अनुहारमा चमक बढाउँछ।
- सात्विक आहार: हरियो सागसब्जी, फलफूल, रेसादार खाना, प्रशस्त पानी र राम्रो निद्राले शरीर र छालालाई स्वस्थ राख्छ।
यो सम्पूर्ण योगासन र स्वस्थ दिनचर्याले अनुहारको प्राकृतिक चमकमा वृद्धि गर्न मद्दत पुर्याउँछ।
