काठमाडौं: आज बुधबार कोशी, बागमती, गण्डकी र लुम्बिनी प्रदेशका पहाडी भूभागमा आंशिक बदलीको सम्भावना छ भने अन्य स्थानहरूमा मौसम मुख्यतया सफा रहने अनुमान गरिएको छ।
मौसम पूर्वानुमान महाशाखाका अनुसार कोशी, बागमती र गण्डकी प्रदेशका पहाडी क्षेत्रका केही स्थानमा हल्का वर्षा हुन सक्छ। साथै, उच्च पहाडी र हिमाली क्षेत्रका केही ठाउँमा हल्का हिमपातको सम्भावना पनि रहेको छ।
बुधबार राति पनि यी प्रदेशका पहाडी क्षेत्रमा आंशिक बदली रहनेछ भने अन्य भूभागमा मौसम सफा रहने सम्भावना रहेको महाशाखाले जनाएको छ।
