काठमाडौँ : आज साताको तेस्रो कारोबार दिन नेप्से ९.०९ अंक बढेर बन्द भएको छ। आज नेप्से परिसूचक ९.०९ अंक बढेर २,७११.७५ विन्दुमा पुगेको छ। जसमा सेन्सेटिभ इण्डेक्स ०.३४ अंक, फ्लोट इण्डेक्स ०.६१ अंक तथा सेन्सेटिभ फ्लोट इण्डेक्स ०.१९ अंक बढेको छ।
आज पनि कारोबार रकम घटेको छ। हिजो ९ अर्ब ४६ करोडको शेयर कारोबार भएको बजारमा आज २ सय ४३ कम्पनीको ७४ हजार ३ सय ३ पटकको कारोबारमा ७ अर्ब ९ करोड रुपैयाँ बराबरको १ करोड ५४ लाख ६४ हजार कित्ता शेयर कारोबार भएको छ।
आज १३ उपसमूहमध्ये ८ उपसमूहको परिसूचक बढेको छ, भने ५ उपसमूहको परिसूचक घटेको छ। आज कारोबारमा आएका २ सय ४३ कम्पनीमध्ये १ सय ४४ कम्पनीको सेयर मूल्य बढेको छ, भने ८८ कम्पनीको सेयर मूल्य घट्नुको साथै ११ कम्पनीको सेयर मूल्य स्थिर रहेको छ।
