काठमाडौँ : नेशनल हाइड्रोपावर कम्पनी लिमिटेडले आफ्नो शेयर रजिष्ट्रारको रूपमा मुक्तिनाथ क्यापिटल लिमिटेडलाई नियुक्त गरेको छ। कम्पनीले मंसिर १६ गतेदेखि लागू हुने गरी यस निर्णयको घोषणा गरेको हो।
अबदेखि मुक्तिनाथ क्यापिटल लिमिटेडले कम्पनीको धितोपत्र कारोबारसम्बन्धी सबै कामको जिम्मेवारी लिनेछ, जसमा अभिलेख राख्ने, दाखिल खारेज गर्ने, नामसारी प्रक्रिया र रोक्का सहितका सम्पूर्ण कार्यहरू समावेश छन्।
