काठमाडौँ : मौसम पूर्वानुमान महाशाखाका अनुसार हाल देशभर कुनै विशेष मौसमी प्रणाली सक्रिय छैन। शुक्रबार दिउँसो कोशी र गण्डकी प्रदेशसहित बागमती प्रदेशका पहाडी क्षेत्रमा आंशिक बदली हुने सम्भावना छ भने देशका अन्य भूभागमा मौसम मुख्यतया सफा रहनेछ।
कोशी प्रदेशको पहाडी भूभागका एक-दुई स्थानमा हल्का वर्षा हुने सम्भावना रहेको छ।
आज राति पनि कोशी, बागमती, गण्डकी र लुम्बिनी प्रदेशका पहाडी क्षेत्रमा आंशिक बदली रहिरहनेछ भने बाँकी भूभागमा मौसम प्रायः सफा रहनेछ।
