काठमाडौँ : कृषि विकास बैंक लिमिटेडले गत आर्थिक वर्षको मुनाफाबाट आफ्ना शेयरधनीलाई चुक्ता पूँजीको कुल १०.५३ प्रतिशत लाभांश प्रदान गर्ने घोषणा गरेको छ।
घोषित लाभांशमा ३ प्रतिशत बोनस शेयर र ७.५३ प्रतिशत नगद लाभांश (करसहित) समावेश छ। यो निर्णय बैंकको पुस ४ गते बिहान सम्पन्न सञ्चालक समितिको बैठकले गरेको हो।
बैंकले नेपाल सरकारको हाल कायम रहेको फिर्ता नहुने अग्राधिकार शेयर पूँजीमा पनि वार्षिक ६ प्रतिशत नगद लाभांश प्रदान गर्ने निर्णय गरेको छ।
घोषित लाभांश नेपाल राष्ट्र बैंकको स्वीकृति प्राप्त भएपछि र बैंकको आगामी वार्षिक साधारणसभाबाट पारित भएपश्चात मात्र वितरण गरिनेछ।
शेयरधनीले बोनस शेयर र नगद लाभांशबाट लाभ उठाउन साधारणसभाको निर्णयको प्रतीक्षा गर्नुपर्नेछ।
