काठमाडौं : सेतीखोला हाइड्रोपावर लिमिटेडले प्रारम्भिक सार्वजनिक निष्कासन (आईपीओ) निष्कासन गर्ने प्रस्तावसहित आफ्नो नवौं वार्षिक साधारणसभा पुस २८ गते आइतबार बोलाएको छ। सभा काठमाडौंको कान्तिपथस्थित कम्पनीको रजिष्टर्ड कार्यालयमा बिहान ११:३० बजे बस्नेछ।
कम्पनीको पुस ६ गते बसेको सञ्चालक समितिको बैठकले वार्षिक साधारणसभामा आईपीओ जारी गर्ने प्रस्ताव पारित गराउने निर्णय गरेको हो। सभाले आईपीओ प्रस्ताव पारित गर्नुका साथै गत आर्थिक वर्षको वार्षिक प्रतिवेदन र वित्तीय विवरणहरू अनुमोदन गर्नेछ।
त्यसैगरी, चालू आर्थिक वर्षका लागि लेखापरीक्षकको नियुक्ति र निजको पारिश्रमिक निर्धारण गर्ने एजेन्डा पनि सभामा प्रस्तुत गरिनेछ। साथै प्रबन्धपत्र तथा नियमावलीमा आवश्यक संशोधन गर्ने र सञ्चालक समितिको पुनर्गठनसम्बन्धी विशेष प्रस्ताव पनि छलफलका लागि तय गरिएको छ।
