काठमाडौँ : हाल देशमा पश्चिमी वायुको सामान्य प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार सोमबार साँझदेखि सुदूरपश्चिम प्रदेश र कर्णाली प्रदेशमा पश्चिमी न्यून चापीय प्रणालीको प्रभाव देखिनेछ।
हालको अवस्था:
- कोशी प्रदेश, गण्डकी प्रदेश र कर्णाली प्रदेशको पहाडी भूभागमा आंशिक बदली छ।
- अन्य क्षेत्रको मौसम मुख्यतः सफा छ।
- तराई र पहाडी भूभागका केही स्थानहरूमा हुस्सु र कुहिरो लागेको छ।
आगामी २४ घण्टा:
- सुदूरपश्चिम र कर्णाली प्रदेशका केही स्थानहरूमा हल्का वर्षाको सम्भावना।
- कोशी प्रदेश, सुदूरपश्चिम र कर्णाली प्रदेशका उच्च पहाडी तथा हिमाली क्षेत्रमा हल्का हिमपातको सम्भावना।
- बिहानका समयमा तराई र उपत्यकाका केही स्थानमा हुस्सु/कुहिरो लाग्न सक्ने।
सतर्कता:
- दैनिक जनजीवन, स्वास्थ्य, कृषि, यातायात र हवाई उड्डयनमा आंशिक असर पर्न सक्ने भएकाले सतर्कता अपनाउन अनुरोध।
विशेष पूर्वानुमान:
- मौसमविद् विनोद पोखरेलका अनुसार सोमबार रातिदेखि बुधबार बिहानसम्म सुदूरपश्चिम र कर्णाली प्रदेशमा हिउँदे वर्षा हुने सम्भावना छ।
- यसपटक पहाडी र हिमाली भेगमा राम्रो मात्रामा वर्षा हुने अपेक्षा छ।
- काठमाडौं र पोखरामा पनि छिटपुट वर्षा हुनसक्छ।
- अर्को वर्षा प्रणाली शुक्रबारसम्म नेपाल भित्रिने सम्भावना छ, जसले आधा पश्चिम नेपालमा प्रभाव पार्ने अनुमान छ।
महाशाखाले मौसम परिवर्तनलाई मध्यनजर गर्दै सतर्क रहन सबैलाई सुझाव दिएको छ।
