काठमाडौँ : साताको तेस्रो कारोबार दिन आज मंगलबार नेपाली बजारमा सुनको मूल्यमा गिरावट आएको छ। आज सुनको मूल्य तोलामा २ सय रुपैयाँले घटेको छ।
नेपाल सुनचाँदी व्यवसायी महासंघका अनुसार, आज छापावाल सुन प्रतितोला १ लाख ७३ हजार ३ सय रुपैयाँमा कारोबार भइरहेको छ भने हिजो सोमबार प्रतितोला १ लाख ७३ हजार ५ सय रुपैयाँ थियो।
त्यस्तै, चाँदीको मूल्य भने स्थिर रहेको छ। महासंघका अनुसार आज पनि चाँदी प्रतितोला १ हजार ९ सय ८० रुपैयाँमा कारोबार भइरहेको छ, जुन सोमबारकै मूल्य हो।
आज १० ग्राम सुनको मूल्य १ लाख ४८ हजार ५ सय ७५ रुपैयाँ कायम भएको छ भने १० ग्राम चाँदीको मूल्य १ हजार ६ सय ९७ रुपैयाँ ५० पैसा निर्धारण गरिएको छ।
